Menu
Bærinn minn er veggspjalda sería sem hefur það markmið að fanga anda bæjarins á skemmtilegan og rómantískan hátt, með myndskreytingum af helstu kennileitum sem saman mynda fallega heildarmynd. Veggspjaldið sómar sér vel á heimilum bæjarbúa en er ekki síður frábær tækifærisgjöf fyrir brottflutta sem vilja minnast heimahaganna.
Hugmyndin að fyrsta veggspjaldinu, Sauðárkrókur, varð til þegar ég bjó sjálf erlendis og langaði í eitthvað sem minnti á bæinn minn. Síðan þá hafa margir fleiri staðir bæst í hópinn og serían fer sífellt stækkandi.
Ég tek fagnandi á móti hugmyndum af nýjum bæjarfélögum!
Mitt helsta markmið er að bjóða upp á faglega og aðgengilega hönnunarþjónustu fyrir einstaklinga, fyrirtæki og stofnanir af öllum stærðum og gerðum, óháð staðsetningu. Einn helsti kosturinn við að vera sjálfstætt starfandi er að geta boðið viðskiptavinum upp á einlæga og persónulega þjónustu —þú færð beint samband við hönnuð og í sameiningu finnum við bestu lausnina fyrir þig!
